"НИЙСЛЭЛИЙН ӨМЧИТ УЛААНБААТАР ХӨРӨНГӨ ОРУУЛАЛТ, МЕНЕЖМЕНТ ҮЦК" ХХК-ийн ТӨЛӨӨЛӨЛ ГОВЬ-АЛТАЙ АЙМАГТ АЖИЛЛАЛАА.

"НИЙСЛЭЛИЙН ӨМЧИТ УЛААНБААТАР ХӨРӨНГӨ ОРУУЛАЛТ, МЕНЕЖМЕНТ ҮЦК" ХХК-ийн ТӨЛӨӨЛӨЛ ГОВЬ-АЛТАЙ АЙМАГТ АЖИЛЛАЛАА.

“Нийслэлийн өмчит Улаанбаатар хөрөнгө оруулалт, менежмент ҮЦК” ХХК-ийн Гүйцэтгэх захирал Г.Гангамөрөн, мэргэжилтнүүдийн хамт Говь-Алтай аймагт ажиллаж, аймгийн Засаг дарга Г.Чинбат хүлээн авч уулзлаа.

Уулзалтын үеэр аймгийн удирдлагууд Говь-Алтай аймгийн 2025–2030 оны хөгжлийн төлөвлөгөө, аймагт хэрэгжүүлэх түлхүүр төслүүдийн чиглэл, хөрөнгө оруулалтын боломжуудыг танилцуулсан юм.

Мөн “Нийслэлийн өмчит Улаанбаатар хөрөнгө оруулалт, менежмент ҮЦК” ХХК-ийн төлөөлөл Тайширын усан цахилгаан станцад зочлон, станцын үйл ажиллагаа болон бүс нутгийн эрчим хүчний хангамжид үзүүлж буй нөлөөллийн талаар ярилцаж, хамтран ажиллах чиглэлүүдээ тодорхойллоо.

Тайширын УЦС нь баруун бүсийн аймгуудыг тогтвортой эрчим хүчээр хангах стратегийн чухал дэд бүтэц бөгөөд байгальд ээлтэй, сэргээгдэх эрчим хүчний бодлогын тод жишээ юм.