“ХҮННҮ ХОТ”-ЫН 90 МВт ЦЭНЭГ ХУРИМТЛУУРЫН ТӨСӨЛД УРЬДЧИЛСАН СОНГОН ШАЛГАРУУЛАЛТ ЭХЭЛЛЭЭ.

“ХҮННҮ ХОТ”-ЫН 90 МВт ЦЭНЭГ ХУРИМТЛУУРЫН ТӨСӨЛД УРЬДЧИЛСАН СОНГОН ШАЛГАРУУЛАЛТ ЭХЭЛЛЭЭ.

Улаанбаатар хотын төвлөрлийг бууруулах, эдийн засгийн шинэ өсөлтийн бүсийг хөгжүүлэх зорилгоор Монгол Улсын Их Хурлын 76 дугаар тогтоолоор байгуулагдаж буй "Хүннү хот"-ын дэд бүтцийн хүрээнд “Өөрийн эх үүсвэрээр цэнэглэх 90 МВт батарей хуримтлуур”-ын төслийг төр, хувийн хэвшлийн түншлэлийн хэлбэрээр хэрэгжүүлнэ.

Төслийг Монгол Улсын Засгийн газрын 210 дугаар тогтоолын 2 дугаар хавсралтад заасны дагуу зураг төсөл боловсруулах – барих – ашиглах – шилжүүлэх (DBOT) хэлбэрээр хэрэгжүүлэх бөгөөд хувийн хэвшлийн түншлэгчийг сонгон шалгаруулах урьдчилсан шатны сонгон шалгаруулалтыг 2025 оны 12 дугаар сарын 26-наас 2026 оны 1 дүгээр сарын 5-ны өдрийн 16:00 цаг хүртэл олон нийтэд нээлттэй зарласан ба сонгон шалгаруулалтад 6 аж ахуйн нэгжүүд оролцох хүсэлтээ ирүүлжээ.

Урьдчилсан сонгон шалгаруулалтын баримт бичгийг оролцсон аж ахуйн нэгжүүдэд гардуулсан бөгөөд тэд саналаа 2026 оны 2 дугаар сарын 5-ны өдрийн 16:00 цагт ирүүлэх юм. Үүний дараа Төр, хувийн хэвшлийн түншлэлийн тухай хуулийн дагуу дараагийн шатны сонгон шалгаруулалтыг зохион байгуулна. “Нийслэлийн өмчит Улаанбаатар хөрөнгө оруулалт, менежмент ҮЦК” ХХК нь дотоодын эрчим хүчний салбарт хэрэгжих сэргээгдэх эх үүсвэр, хуримтлуурын төслүүдийн санхүүжилтийн загварыг төсвийн бус эх үүсвэрээр бүрдүүлэх чиглэлээр ажиллаж байна.

https://www.facebook.com/ubim.mn