ШВЕЙЦАРИЙН “JJP SERVICES SA” ХӨРӨНГӨ ОРУУЛАЛТЫН КОМПАНИТАЙ АЛБАН УУЛЗАЛТ ХИЙЛЭЭ.

 

“Нийслэлийн өмчит Улаанбаатар хөрөнгө оруулалт, менежмент ҮЦК” ХХК-ийн удирдлагын баг, Швейцарийн Холбооны Улсын “JJP Services SA” компанийн Ерөнхийлөгч Люк Феллай (Luc Fellay)-тай албан уулзалт хийлээ.

Уулзалтаар Улаанбаатар хотын хөгжлийн мега төслүүд, олон нийтийн оролцоотой бүтээн байгуулалт, хотын брэндийн хөгжил, мөн Олон Улсын туршлага, хөрөнгө оруулалтын шинэ шийдлүүдийн талаар санал солилцов.

"JJP Services SA” ХХК нь Олон Улсад институцийн түвшний томоохон арга хэмжээ, хотын орон зайн төслүүдийг мэргэжлийн өндөр түвшинд зохион байгуулах, удирдлага, менежмент, хөрөнгө оруулалтын дэмжлэг үзүүлдгээрээ танигдсан компани юм.

Уулзалтын үеэр “Нийслэлийн өмчит Улаанбаатар хөрөнгө оруулалт, менежмент ҮЦК” ХХК-ийн итгэмжлэн удирддаг “Нийслэлийн гарааны бизнесийг дэмжих сан”-ийн үйл ажиллагааны хүрээнд гарааны бизнес эрхлэгчдийн бүтээгдэхүүн, үйлчилгээ, инновацын шийдлүүдийг Олон Улсын зах зээлд гаргах, экспортыг дэмжих, гадаад түншлэл байгуулах бодит боломжуудын талаар дэлгэрэнгүй хэлэлцлээ.

Талууд цаашид:

Улаанбаатар хотын олон улсын арга хэмжээний экосистемийг хөгжүүлэх,

Хотын брэнд ба олон нийтийн орон зайн ашиглалтыг сайжруулах,

Хөрөнгө оруулалтын урсгалыг татах,

Гарааны бизнесийн экосистемийг Олон Улсын сүлжээнд холбох

чиглэлээр хамтран ажиллах боломжийг эрэлхийлэхээр санал нэгдлээ.

https://www.facebook.com/ubim.mn/