“VEOLIA” ГРУППТЭЙ ХОТЫН ДЭД БҮТЦИЙН ХАМТЫН АЖИЛЛАГААГ ӨРГӨЖҮҮЛНЭ.

 

Нийслэлийн Засаг дарга бөгөөд Улаанбаатар хотын Захирагч Х.Нямбаатар Францын “Veolia” группийн төлөөлөлтэй уулзаж, хотын дэд бүтцийн салбарт хамтын ажиллагааг өргөжүүлэх боломжийн талаар санал солилцлоо.

Уулзалтаар:

Төвлөрсөн дулаан хангамжийн системийг шинэчлэх,

Бохир усны лаг боловсруулах үйлдвэр байгуулах,

Инженерийн дэд бүтцийн шинэ шийдлүүдийг нэвтрүүлэх

чиглэлүүдээр хамтран ажиллах боломжийг хэлэлцэв.

Улаанбаатар хотын өсөн нэмэгдэж буй хэрэгцээтэй уялдан лаг боловсруулах хүчин чадлыг нэмэгдүүлэх шаардлага үүсээд байгаа бөгөөд байгаль орчинд ээлтэй, олон улсын туршлагад суурилсан шийдлүүдийг нэвтрүүлэх нь чухал байгааг онцоллоо.

“Veolia” групп нь ус, дулаан, хаягдлын менежментийн чиглэлээр дэлхийн хэмжээний туршлагатай бөгөөд өдөрт 2000 тонн лаг боловсруулах хүчин чадалтай төслийг амжилттай хэрэгжүүлсэн туршлагаа танилцууллаа.

Талууд цаашид хамтын ажиллагааг өргөжүүлж, техникийн судалгаа, ТЭЗҮ боловсруулах ажлуудыг хамтран хэрэгжүүлэхээр тохиролцлоо.

UBIM-Eco International tower