“ДУЛААНЫ V ЦАХИЛГААН СТАНЦ” ТӨСЛИЙН БҮТЭЭН БАЙГУУЛАЛТЫН АЖИЛ ҮРГЭЛЖИЛЖ БАЙНА.

 

Улаанбаатар хотын өсөн нэмэгдэж буй эрчим хүчний хэрэгцээг хангах, дулаан болон цахилгааныг хослон үйлдвэрлэх “Дулааны V цахилгаан станц” төслийн бүтээн байгуулалтын бэлтгэл ажил үргэлжилж байна.

Төслийг төр, хувийн хэвшлийн түншлэлийн хүрээнд хэрэгжүүлж, хувийн хэвшлийн түншлэгчээр “Митайм Интернэшнл” компани ажиллаж байна.

Одоогийн байдлаар:

Төслийн талбайг Засгийн газрын тогтоолоор баталгаажуулсан.

Газрын эзэмших эрхийн асуудлыг шийдвэрлэж, ихэнх нэгж талбар чөлөөлөгдсөн.

Эрчим хүчний нэгдсэн сүлжээнд холбох техникийн боломжийг тодорхойлсон.

Түлшний хангалтыг тогтвортой байлгах салбар төмөр замын шийдлийг судалж байна.

Технологийн хувьд:

Ус бага ашиглах агаарын хөргөлтийн систем,

Ус дахин ашиглах шийдэл,

Байгальд ээлтэй CFB зуухны технологийг ашиглах юм.

Төсөл хэрэгжсэнээр:

Хотын дулаан, цахилгааны хэрэгцээг дотоодоос хангана.

Эрчим хүчний найдвартай байдлыг нэмэгдүүлнэ.

Үнийн тогтвортой байдалд эерэг нөлөө үзүүлнэ.

“Нийслэлийн өмчит Улаанбаатар хөрөнгө оруулалт, менежмент ҮЦК” ХХК нь тус төслийн хүрээнд өөрийн итгэмжлэн удирддаг "Нийслэлийн хөгжлийн сан"-аар дамжуулан санхүүжилт хийх болон тогтвортой эх үүсвэр бүрдүүлэхээр ажиллаж байна.