ТӨЛӨӨЛӨН УДИРДАХ ЗӨВЛӨЛИЙН ЭЭЛЖИТ БУС ХУРАЛДААН БОЛЛОО.

 

"Нийслэлийн өмчит Улаанбаатар хөрөнгө оруулалт, менежмент ҮЦК” ХХК-ийн Төлөөлөн удирдах зөвлөлийн ээлжит бус хуралдаан болж, компанийн засаглал, үйл ажиллагааны тайлан, стратегийн хөрөнгө оруулалтын асуудлуудыг хэлэлцэн шийдвэрлэлээ.

Хурлаар:

ТУЗ-ийн Аудитын хорооны 2025 оны нэгдсэн тайлан,

Компанийн 2026 оны I улирлын үйл ажиллагааны тайлан,

“Нийслэлийн хөгжлийн сан” хувийн ХОС ТЗК ХХК-ийн нэгж эрхийг нэмэгдүүлэх,

“Дулааны V цахилгаан станц (ДЦС-5)” төслийн ТЗК-ийн хувьцаанд хөрөнгө оруулах тухай болон бусад асуудлыг авч хэлэлцлээ.

Энэхүү хурлаар “Нийслэлийн өмчит Улаанбаатар хөрөнгө оруулалт, менежмент ҮЦК” ХХК -ийн үйл ажиллагааны явц, хяналт, засаглалын хэрэгжилтийг дүгнэхийн зэрэгцээ Нийслэлийн стратегийн ач холбогдол бүхий төслүүдийг санхүүгийн зөв бүтэц, хөрөнгө оруулалтын схемийн дагуу дэмжих асуудалд онцгой анхаарал хандууллаа.

“Нийслэлийн өмчит Улаанбаатар хөрөнгө оруулалт, менежмент ҮЦК” ХХК нь Нийслэлийн хөгжлийн томоохон төслүүдийг төсвийн бус эх үүсвэр, хөрөнгө оруулалтын оновчтой бүтцийн дагуу дэмжин ажиллах чиг үүргээ тууштай хэрэгжүүлсээр байна.