ГАМШГИЙН АЮУЛЫН ЗАРЛАН МЭДЭЭЛЛИЙН ДУУТ ДОХИОГООР АЖИЛЛАХ ДАДЛАГА СУРГУУЛЬД ХАМРАГДЛАА.

 

Гамшгийн аюулын тухай зарлан мэдээллийн дуут дохиогоор ажиллах дадлага, сургууль өнөөдөр /2026.03.26/ 16:00 цагт улсын хэмжээнд зохион байгуулагдаж, “Нийслэлийн өмчит Улаанбаатар хөрөнгө оруулалт, менежмент ҮЦК” ХХК-ийн албан хаагчид идэвхтэй хамрагдан оролцлоо.

Дадлага сургуулийн үеэр албан хаагчид мэргэжлийн байгууллагаас өгсөн заавар, зөвлөмжийн дагуу ажиллаж, гамшгийн үед хэрэгжүүлэх анхан шатны хариу арга хэмжээ, бэлэн байдлын мэдлэгээ бататгав.

Энэхүү дадлага, сургууль нь:

Төрийн болон төрийн бус байгууллагын бэлэн байдлыг хангах

Төвлөрсөн зарлан мэдээлэх хэрэгслийн бэлэн байдал, үйлчлэх хүрээг шалгах

Иргэдэд гамшгийн аюулын үед зөв ажиллах дадал хэвшүүлэх

Урьдчилан сэргийлэх болон хариу арга хэмжээний мэдлэг олгох чухал ач холбогдолтой юм.

Иргэд та бүхнийг гамшгийн аюулын дуут дохио дуугарсан эсэх судалгаанд хамрагдаж, цаашдын үйл ажиллагаанд дэмжлэг үзүүлэхийг ОБЕГ-аас уриалж байна.

Судалгааны холбоос: https://forms.gle/8oYn2Arimh1Y289s7