НИЙСЛЭЛИЙН ХӨГЖЛИЙН САНГИЙН НЭГЖ ЭРХ ЭЗЭМШИГЧДИЙН ХУРАЛ БОЛЛОО.
“Дулааны V цахилгаан станц” төслийн санхүүжилтийн хүрээнд хөрөнгө оруулалт хийх асуудлаар “Нийслэлийн хөгжлийн сан”-ийн нэгж эрх эзэмшигчдийн хурал болж, Нийслэлийн Засаг даргын Тамгын газрын дарга Т.Оюунчимэг, Нийслэлийн санхүү, хөрөнгө оруулалтын газрын дарга Л.Эрдэнэбадрах, “Нийслэлийн өмчит Улаанбаатар хөрөнгө оруулалт, менежмент ҮЦК” ХХК-ийн Төлөөлөн удирдах зөвлөлийн хараат бус гишүүн Б.Баярмаа, Гүйцэтгэх захирал Г.Гангамөрөн нар оролцлоо.
Хурлаар:
Нийслэлийн бондын анхдагч зах зээлээс төвлөрсөн хөрөнгийг “Дулааны V цахилгаан станц” төслийн санхүүжилтийн хүрээнд хөрөнгө оруулалт хэлбэрээр байршуулах,
Хөрөнгө оруулалт хийхтэй холбоотойгоор сангийн дүрэмд шаардлагатай өөрчлөлт оруулах,
Сангийн нэгж эрхийн хэмжээг нэмэгдүүлэх зэрэг асуудлыг хэлэлцэн, холбогдох шийдвэрүүдийг гаргалаа.
Энэхүү шийдвэр нь Улаанбаатар хотын өсөн нэмэгдэж буй эрчим хүч, дулааны хэрэгцээг хангах стратегийн ач холбогдолтой “Дулааны V цахилгаан станц” төслийн санхүүжилтийн эх үүсвэрийг үе шаттайгаар бүрдүүлэх, төслийн хэрэгжилтийг бодит хөрөнгө оруулалтаар дэмжихэд чиглэж байгаагаараа онцлог юм.
“Нийслэлийн өмчит Улаанбаатар хөрөнгө оруулалт, менежмент ҮЦК” ХХК нь ДЦС-5 төслийн санхүүжилтийн бүтцийг боловсруулж, төслийн хөрнгө оруулалтыг мэргэжлийн түвшинд зохион байгуулахад дэмжлэг үзүүлэн ажиллаж байна.
