“НИЙСЛЭЛ БОНД”-ЫН ХОЁРДОГЧ ЗАХ ЗЭЭЛИЙН АРИЛЖАА ЭХЭЛЛЭЭ.

 

Санхүүгийн зохицуулах хорооны 2026 оны 4 дүгээр сарын 1-ний өдрийн 1/1179 тоот албан бичгийн дагуу Нийслэлийн Засаг даргын нийтэд санал болгон гаргасан, нэг бүр нь 1,000,000 төгрөгийн нэрлэсэн үнэтэй, нийт 200 тэрбум төгрөгийн үнийн дүн бүхий “Нийслэл бонд”-ын анхдагч зах зээлийн арилжааг амжилттай болсонд тооцож, хоёрдогч зах зээлийн арилжааг 2026 оны 4 дүгээр сарын 3-ны өдрөөс эхлүүллээ.

Арилжаа дараах кодоор явагдаж байна:

Симбол: NUB-BD-03/04/29-C0095-14

ISIN: MN00NUB30629

“Нийслэл бонд”-ын хоёрдогч зах зээлийн арилжаа эхэлж буй нь Нийслэлийн өрийн хэрэгслийн хөрвөх чадварыг нэмэгдүүлэхээс гадна хөрөнгө оруулагчдад зах зээлийн нөхцөлд нийцүүлэн багцаа удирдах, өгөөжийн боломжоо өргөжүүлэх шинэ нөхцөл бүрдүүлж байна.

“Нийслэлийн өмчит Улаанбаатар хөрөнгө оруулалт, менежмент ҮЦК” ХХК нь “Дулааны V цахилгаан станц” төслийн санхүүжилтийн бүтцийг боловсруулж, төслийн хөрөнгө оруулалтыг мэргэжлийн түвшинд зохион байгуулахад дэмжлэг үзүүлэн ажиллаж байна.