ХӨРӨНГИЙН ЗАХ ЗЭЭЛИЙН ХӨРВӨХ ЧАДВАРЫН ХЭЛЭЛЦҮҮЛЭГТ ОРОЛЦЛОО.

 

Өнөөдөр Монголын хөрөнгийн биржийн "MSE hall" төв тэнхимд "Хөрөнгийн зах зээлийн хөрвөх чадварыг нэмэгдүүлэх” сэдэвт бодлогын хэлэлцүүлэг зохион байгуулагдлаа.

Тус арга хэмжээ нь Монголын хөрөнгийн зах зээлийн хөрвөх чадварыг нэмэгдүүлэх бодлого, зохицуулалтыг оролцогч талуудын түвшинд нээлттэй хэлэлцэх зорилготой байв.

Хэлэлцүүлгийн хүрээнд төрийн болон татварын бодлого, хөрвөх чадварыг нэмэгдүүлэх тусгай хөтөлбөр, үнэт цаас зээлэх, зээлдүүлэх журам, зах зээл үүсгэгчийн үйл ажиллагааны шинэчлэл, шорт арилжаа, ETF бүтээгдэхүүн, "SPAC"-ийн судалгаа зэрэг сэдвээр танилцуулга хийж, оролцогчид байр сууриа илэрхийлэв.

“Нийслэлийн өмчит Улаанбаатар хөрөнгө оруулалт, менежмент ҮЦК” ХХК-ийн төлөөлөл тус хэлэлцүүлэгт оролцож, хөрөнгийн зах зээлийн хөгжил, шинэ бүтээгдэхүүний нэвтрүүлэлт, урт хугацааны санхүүжилтийн орчныг бэхжүүлэх асуудлаар санал солилцлоо.

“Нийслэлийн өмчит Улаанбаатар хөрөнгө оруулалт, менежмент ҮЦК” ХХК нь Нийслэлийн хөгжлийн төслүүдийг хөрөнгийн зах зээлтэй уялдуулсан санхүүжилтийн шийдлээр дэмжих, хөрөнгө оруулагчдын оролцоог нэмэгдүүлэх чиглэлд ажиллаж байна.