АЛБАН ХЭРЭГ ХӨТЛӨЛТИЙН EDOC “V-0.1.9.3” ШИНЭ СИСТЕМИЙН СУРГАЛТАД ХАМРАГДЛАА.

 

Нийслэлийн Засаг даргын 2025 оны А/1692 дугаар захирамжийн хүрээнд албан хэрэг хөтлөлтийн eDoc системийг “V-0.1.9.3” шинэчилсэн хувилбарт шилжүүлэх ажил үе шаттай хэрэгжиж байна. Үүний дагуу Нийслэлийн нутгийн захиргааны байгууллагууд 2026 оны 4 дүгээр сарын 20-ны өдрөөс шинэ системд бүрэн шилжихээр төлөвлөжээ.

Тус шилжилтийг бэлтгэх хүрээнд Нийслэлийн Архивын газраас 2026 оны 4 дүгээр сарын 6-наас 17-ны өдрүүдэд сургалтыг үе шаттай зохион байгуулж байна.

Энэхүү сургалтад “Нийслэлийн өмчит Улаанбаатар хөрөнгө оруулалт, менежмент ҮЦК” ХХК-ийн албан хаагчид хамрагдлаа.

Сургалтын үеэр шинэ системийн онцлог, ажиллагааны дараалал, ашиглалтын заавар, албан хэрэг хөтлөлтийн өдөр тутмын үйл ажиллагаанд мөрдөх шинэчлэгдсэн чиглэлийн талаар мэдээлэл авсан юм.

“Нийслэлийн өмчит Улаанбаатар хөрөнгө оруулалт, менежмент ҮЦК” ХХК нь байгууллагын үйл ажиллагааны шуурхай байдал, дотоод зохион байгуулалт, баримт бичгийн нэгдсэн стандартыг сайжруулах чиглэлээр албан хаагчдынхаа чадавхыг тогтмол бэхжүүлэн ажиллаж байна.