“АЛТАН БЭРС” КОРПОРАЦУУДЫН АВАРГА ШАЛГАРУУЛАХ ШАТРЫН ТЭМЦЭЭНД ОРОЛЦОЖ БАЙНА.

 

Оюуны спортыг түгээн дэлгэрүүлэх, дэмжин хөгжүүлэх хүрээнд Монголын Үндэсний Худалдаа Аж Үйлдвэрийн Танхим, Монголын Шатрын Холбоо хамтран Монгол Улсын ТОП-100 аж ахуйн нэгж, байгууллагын дунд “Алтан Бэрс” цомын төлөөх корпорацуудын шатрын аварга шалгаруулах арга хэмжээг зохион байгуулж байна.

Энэхүү арга хэмжээнд “Нийслэлийн өмчит Улаанбаатар хөрөнгө оруулалт, менежмент ҮЦК” ХХК оролцож байгаа бөгөөд нээлтийн ажиллагаанд Гүйцэтгэх захирал Г. Гангамөрөн оролцож, баг тамирчдадаа амжилт хүсэж үг хэллээ.

Тус байгууллагыг төлөөлөн Төлөөлөн удирдах зөвлөлийн гишүүн Т. Баасанжав, мөн Т. Сайнбат, Х. Баасанцэнгэл, Х. Норовсүрэн, Н. Сэр-Од нар оролцож байна.

Уг тэмцээн Олон Улсын шатрын холбоо болон Монголын Шатрын Холбооны дүрмийн дагуу 2026 оны 4 дүгээр сарын 18-19-ний өдрүүдэд зохион байгуулагдаж, “Алтан Бэрс” цомын эзнийг тодруулна.

“Нийслэлийн өмчит Улаанбаатар хөрөнгө оруулалт, менежмент ҮЦК” ХХК-ийн хамт олон болон нийт оролцогчдод спортын өндөр амжилт хүсье.