ГОЛОМТ БАНК ОЛОН УЛСЫН ЗАХ ЗЭЭЛЭЭС САНХҮҮЖИЛТ БОСГОЛОО.

 

Голомт банк Олон Улсын зах зээлд 500 сая ам.долларын, 3 жилийн хугацаатай, 7.95 хувийн хүүтэй бондыг амжилттай гаргалаа.

Энэхүү арилжаанд JPMorgan Chase, Deutsche Bank, KGI Asia зэрэг дэлхийн томоохон санхүүгийн байгууллагууд андеррайтерээр оролцжээ.

Тус банкны санхүүжилтийн өртөг 2024 онд гаргасан бондтой харьцуулахад 3.875 нэгж хувиар буурсан нь Олон Улсын хөрөнгө оруулагчдын итгэл нэмэгдэж, Монголын хувийн хэвшлийн санхүүгийн чадавх эерэгээр үнэлэгдэж байгааг харуулж байна.

"Нийслэлийн өмчит Улаанбаатар хөрөнгө оруулалт, менежмент ҮЦК” ХХК нь Олон Улсын зах зээлийн нөхцөл байдал, санхүүжилтийн боломжийг тогтмол судалж, стратегийн төсөл, хөтөлбөрүүдийн хөрөнгө оруулалтын эх үүсвэрийг тэлэх чиглэлд ажиллаж байна.