БИЗНЕС ЭРХЛЭГЧДИЙГ ХӨРӨНГӨ ОРУУЛАЛТААР ДЭМЖИХ ХӨТӨЛБӨРИЙН 30 ОРОЛЦОГЧИЙГ СОНГОН ШАЛГАРУУЛЛАА.
2 цаг 1 мин

БИЗНЕС ЭРХЛЭГЧДИЙГ ХӨРӨНГӨ ОРУУЛАЛТААР ДЭМЖИХ ХӨТӨЛБӨРИЙН 30 ОРОЛЦОГЧИЙГ СОНГОН ШАЛГАРУУЛЛАА.

 

🇲🇳 Нийслэлээс 2026 онд хэрэгжүүлж буй “Бизнес эрхлэгчдийг дэмжих жил”-ийн хүрээнд гарааны болон уул уурхайн бус жижиг, дунд бизнес эрхлэгчдэд зориулсан хамтарсан хөтөлбөрийн бүртгэл амжилттай явагдаж, ажлын хэсгээс 30 бизнес эрхлэгчийг сонгон шалгарууллаа.

✅ Тус хөтөлбөрийг Нийслэлийн өмчит Улаанбаатар хөрөнгө оруулалт, менежмент ҮЦК ХХК, Нийслэлийн Бизнес, инновацын газар, Германы Олон Улсын Хамтын Ажиллагааны Нийгэмлэг /GIZ/ хамтран хэрэгжүүлж байна.

➡️ Сонгон шалгарсан 30 бизнес эрхлэгчийг сургалт, зөвлөх үйлчилгээнд хамруулж, бизнесийн загвар, санхүүгийн төлөвлөлт, зах зээлийн боломж, хөрөнгө оруулалт татах бэлтгэлийг сайжруулах чиглэлээр ажиллана.

✅ Хөтөлбөрийн дараагийн шатанд оролцогчдоос 10 хүртэлх компанийг шалгаруулж, нэг аж ахуйн нэгжид 300 хүртэл сая төгрөгийн шууд хөрөнгө оруулалт хийх боломжийг бүрдүүлнэ.

💡 Энэхүү хамтарсан хөтөлбөр нь гарааны болон жижиг, дунд бизнес эрхлэгчдийг мэргэжлийн түвшинд бэлтгэж, цаашид хөрөнгө оруулалт татах чадамж бүхий компани болгон хөгжүүлэхэд чиглэж байна.

🇲🇳✅ “Нийслэлийн өмчит Улаанбаатар хөрөнгө оруулалт, менежмент ҮЦК” ХХК нь бизнес эрхлэгчдийн өсөлтийг дэмжих, хөрөнгө оруулалтын шинэ боломжийг нээх, Нийслэлийн эдийн засгийн идэвхжилийг нэмэгдүүлэх чиглэлээр хамтын ажиллагаагаа өргөжүүлж байна.