“УЛААНБААТАР МАРАФОН 2026” ОЛОН УЛСЫН ГҮЙЛТЭД НЭГДЛЭЭ.

 

"Алхам бүр ёс зүйтэй, амжилт бүр үнэ цэнтэй” уриан дор зохион байгуулагдсан “Улаанбаатар марафон 2026” Олон Улсын гүйлт амжилттай болж өндөрлөлөө.

Энэ удаагийн Олон Улсын гүйлтэд 46 мянга гаруй хүн оролцохоор бүртгүүлсэн бөгөөд бүтэн марафоны 42 км-ийн зайд 42 орны 700 гаруй тамирчин оролцсон байна.

Марафоны нээлтийн үйл ажиллагаанд Нийслэлийн Засаг даргын орлогч А.Амартүвшин, Нийслэлийн Биеийн тамир, спортын газрын даргын албан үүргийг түр орлон гүйцэтгэгч М.Цогзолмаа нар оролцож, нийт гүйгчдэд амжилт хүслээ.

Тус арга хэмжээнд "Нийслэлийн өмчит Улаанбаатар хөрөнгө оруулалт, менежмент ҮЦК" ХХК-ийн ахлах аудитор Б.Аззаяа, КХЭЗ-н менежер Х.Норовсүрэн, Бизнесийн шинжээч Б.Оргилболд, Ч.Анужин, Сангийн менежер Т.Сайнбат, МТАБХ менежер Н.Сэр-Од нар байгууллагаа төлөөлөн 5 км, 10 км, 21 км-ийн зайд тус тус амжилттай гүйж, эрүүл, идэвхтэй амьдралын хэв маягийг дэмжлээ.

"Нийслэлийн өмчит Улаанбаатар хөрөнгө оруулалт, менежмент ҮЦК" ХХК-ийн хамт олон эрүүл, идэвхтэй амьдралын хэв маягийг дэмжиж, байгууллагын нэгдэл, хариуцлага, оролцоог олон нийтийн арга хэмжээнд бодитоор илэрхийлэн оролцлоо.