"БОГД БАНК" ХК ОЛОН УЛСЫН ЗАХ ЗЭЭЛЭЭС 75 САЯ АМ.ДОЛЛАРЫН САНХҮҮЖИЛТ ТАТАН ТӨВЛӨРҮҮЛЛЭЭ.

 

"Богд Банк" ХК, Олон Улсын хөрөнгийн зах зээлд 3 жилийн хугацаатай, жилийн 9.50 хувийн тогтмол купонтой, 75 сая ам.долларын бондыг амжилттай арилжааллаа.

Тус бондыг Австрийн Венийн Хөрөнгийн биржид бүртгүүлсэн бөгөөд санхүүжилтийг бүрэн татан төвлөрүүлсэн байна.

Татан төвлөрүүлсэн эх үүсвэрийг банкны үндсэн үйл ажиллагааг өргөжүүлэх, жижиг, дунд бизнес эрхлэгчид, экспорт, худалдаа, үйлдвэрлэл болон хувийн хэвшлийн өсөн нэмэгдэж буй санхүүжилтийн хэрэгцээнд үе шаттайгаар чиглүүлэхээр төлөвлөжээ.

Тус бондын арилжааны ерөнхий зохион байгуулагч, андеррайтераар Олон Улсын хөрөнгө оруулалтын банк "J.P. Morgan", стратегийн түншлэл болон бүтэцлэлийн зөвлөхөөр “Frontier Strategies” ажилласан байна.

“Нийслэлийн өмчит Улаанбаатар хөрөнгө оруулалт, менежмент ҮЦК” ХХК нь Нийслэлийн хөгжлийн томоохон төсөл, хөтөлбөрүүдийг хөрөнгийн зах зээл, хувийн хэвшлийн оролцоо, Олон Улсын санхүүжилтийн боломжтой уялдуулах чиглэлээр ажиллаж байна.

"Богд Банк" ХК-ийн энэхүү арилжаа нь Монголын санхүүгийн байгууллагуудын гадаад зах зээлд оролцох боломжийг нэмэгдүүлж, урт хугацааны санхүүжилтийн шинэ жишгийг бий болгож байна.