"МЭДЛЭГЭЭ ДЭЭШЛҮҮЛЬЕ, САНХҮҮГЭЭ УДИРДЪЯ” САНХҮҮГИЙН САЛБАРЫН ӨДӨРЛӨГ ЗОХИОН БАЙГУУЛАГДАНА.

 

Санхүүгийн зохицуулах хорооноос иргэдийн санхүүгийн боловсролыг дээшлүүлэх, санхүүгийн салбарын бүтээгдэхүүн, үйлчилгээг олон нийтэд таниулах зорилгоор “Мэдлэгээ дээшлүүлье, Санхүүгээ удирдъя” санхүүгийн салбарын өдөрлөгийг өнөөдөр буюу 2026 оны 6 дугаар сарын 04-ний өдөр Сүхбаатарын талбайд зохион байгуулна.

Өдөрлөгийн үеэр Санхүүгийн зохицуулах хорооны зохицуулалттай салбаруудын үйл ажиллагаа, чиг үүрэг, бүтээгдэхүүн, үйлчилгээг олон нийтэд танилцуулж, хөрөнгө оруулагч, хэрэглэгч, үйлчлүүлэгчдийн санал хүсэлтийг сонсон, зөвлөгөө мэдээлэл өгөх юм.

Мөн санхүүгийн салбарын мэргэжлийн холбоод, дэд бүтцийн байгууллагуудын төлөөлөл оролцож, иргэдэд хөрөнгө оруулалт, даатгал, үнэт цаас, банк бус санхүүгийн үйлчилгээ болон санхүүгийн хэрэглэгчийн эрх ашгийг хамгаалах чиглэлээр мэдээлэл хүргэнэ.

Санхүүгийн зохицуулах хорооноос зохион байгуулж буй энэхүү өдөрлөг нь иргэдийн санхүүгийн мэдлэгийг нэмэгдүүлэх, хөрөнгө оруулагч, хэрэглэгчдийн оролцоог идэвхжүүлэх, санхүүгийн салбарын бүтээгдэхүүн, үйлчилгээг олон нийтэд илүү ойртуулах чухал ач холбогдолтой ба

"Нийслэлийн өмчит Улаанбаатар хөрөнгө оруулалт, менежмент ҮЦК” ХХК хөрөнгийн зах зээлийн оролцоо, санхүүжилтийн боломжийг өргөжүүлэхэд чиглэсэн санаачилга, хамтын ажиллагааг дэмжин ажиллаж байна.