ХӨРӨНГИЙН ЗАХ ЗЭЭЛИЙН ТОЙМ МЭДЭЭ

 

2026 оны 06 дугаар сарын 08-ны өдрийн байдлаар Монгол Улсын бодлогын хүү 12.0 хувь, суурь инфляц 6.4 хувь, улсын болон нийслэлийн инфляц тус бүр 10.1 хувьтай байна.

Монголбанкны зарласан ханшаар ам.доллар 3,576.35 төгрөг, евро 4,160.01 төгрөг, юань 528.06 төгрөг, рубль 48.39 төгрөг, иен 22.36 төгрөг, вон 2.32 төгрөгтэй тэнцэв.

Түүхий эдийн зах зээлд алтны ханш 4,328.45 ам.доллар/унц, мөнгө 69.10 ам.доллар/унц, WTI газрын тос 90.54 ам.доллар/баррель, Brent газрын тос 93.09 ам.доллар/баррель, байгалийн хий 3.19 ам.доллар/MMBtu, зэс 625.75 ам.цент/фунт байна.

Монголын хөрөнгийн биржийн 2026 оны 06 дугаар сарын 05-ны өдрийн арилжаагаар нийт үнийн дүн 386.1 сая төгрөгт хүрч, зах зээлийн үнэлгээ 13.37 их наяд төгрөгөөр хэмжигдлээ. TOP-20 индекс 0.34 хувиар, MSE-A индекс 0.10 хувиар, FTI индекс 0.03 хувиар тус тус буурсан бол MSE-B индекс өөрчлөлтгүй байна.

Идэвхтэй арилжаанд “KHAN” хувьцаа үнийн дүн болон ширхэгээр тэргүүлсэн бол өсөлтөөр “JTB” 10.30 хувийн өсөлттэй, уналтаар “TAND” 14.88 хувийн бууралттай байлаа.

Глобал зах зээлд S&P 500 индекс 2.64 хувь, Nasdaq Composite 4.18 хувь, Dow Jones 1.35 хувь, Nikkei 225 индекс 1.31 хувиар тус тус буурсан бол FTSE 100 индекс 0.07 хувиар өсжээ.

"Нийслэлийн өмчит Улаанбаатар хөрөнгө оруулалт, менежмент ҮЦК" ХХК нь хөрөнгийн зах зээл, санхүүгийн орчин, макро эдийн засгийн үзүүлэлтүүдийг тогтмол нэгтгэн хүргэж байна.