НИЙСЛЭЛИЙН УДИРДАХ АЖИЛТНУУДЫН ШУУРХАЙ ХУРАЛДААН БОЛЛОО

 

Нийслэлийн удирдах ажилтнуудын шуурхай хуралдаан зохион байгуулагдаж, “Нийслэлийн өмчит Улаанбаатар хөрөнгө оруулалт, менежмент ҮЦК” ХХК-ийн Гүйцэтгэх захирал Г.Гангамөрөн оролцлоо.

Хуралдааны эхэнд НЗДТГ-ын бүтцэд шинээр томилогдон ажиллаж буй албан тушаалтнуудыг танилцуулав.

Хуралдаанаар хотын хэмжээнд хэрэгжиж буй хөрөнгө оруулалт, бүтээн байгуулалт, нийтийн эзэмшлийн талбайн тохижилт, замын хөдөлгөөний аюулгүй байдал, өвөлжилтийн бэлтгэл ажлын явц болон цаг үеийн бусад асуудлыг хэлэлцлээ.

Хуралдааны үеэр Нийслэлийн Хөрөнгө оруулалтын газар 2 их наяд төгрөгийн санхүүжилт бүхий 617 төсөл, арга хэмжээнд захиалагчийн хяналт тавин ажиллаж байгааг танилцуулав.

Мөн Улаанбаатар хотын хэмжээнд нийтийн эзэмшлийн талбайн тохижилтын 67 ажил хэрэгжиж байгаа бөгөөд 185.2 тэрбум төгрөгийн төсөвт өртөг бүхий эдгээр ажлын гүйцэтгэл 49 хувьтай байна.

Түүнчлэн 150 төрлийн эм, 61 төрлийн эмнэлгийн хэрэгслийн мэдээллийг нээлттэй байршуулж, чанар, стандартыг хангах чиглэлээр холбогдох байгууллагуудад үүрэг өглөө.

Аялал жуулчлалын улирал эхэлж буйтай холбогдуулан бэлтгэл ажлыг эрчимжүүлэх, дугуйн замын ажлуудтай уялдуулан замын хөдөлгөөний аюулгүй байдлыг хангах, шаардлагатай байршлуудад замын тэмдэг, тэмдэглэгээг шинэчлэх асуудлыг мөн хэлэлцэв.

Мөн 2026-2027 оны өвөлжилтийн бэлтгэл ажлын хүрээнд инженерийн шугам сүлжээ, дулаан хангамжийн ажлын явцыг сонсож, цаашид хэрэгжүүлэх арга хэмжээний талаар чиглэл өглөө.