БНСУ-ЫН ГАРААНЫ БИЗНЕС, ХӨРӨНГӨ ОРУУЛАЛТЫН ХАМТЫН АЖИЛЛАГААГ ӨРГӨЖҮҮЛЭХ АРГА ХЭМЖЭЭ ЭХЭЛЛЭЭ.

 

“Нийслэлийн өмчит Улаанбаатар хөрөнгө оруулалт, менежмент ҮЦК” ХХК нь БНСУ-ын Даежон хотын Эдийн засаг, инновацийн төв, Инновацийн хурдасгуур төв (Innohub)-тэй хамтран “БНСУ-ын гарааны бизнес, хөрөнгө оруулалтын долоо хоног–Монгол” арга хэмжээний хүрээнд зохион байгуулагдаж буй бизнесийн түншлэл, худалдан авагч талуудыг холбох уулзалтын зохион байгуулагч, түнш байгууллагаар оролцож байна.

Тус арга хэмжээ нь БНСУ-ын гарааны бизнесүүд, их сургууль, инновацийн байгууллагууд болон Монголын бизнес, хөрөнгө оруулалтын салбарын төлөөллийг холбож, бүтээгдэхүүн, үйлчилгээ, технологийн шийдлээ танилцуулах, хамтын ажиллагаа болон хөрөнгө оруулалтын боломжийг өргөжүүлэх зорилготой юм.

Арга хэмжээнд “Нийслэлийн өмчит Улаанбаатар хөрөнгө оруулалт, менежмент ҮЦК” ХХК-ийн Хөрөнгө оруулалт, төслийн удирдлагын газрын дарга Б.Бат-Эрдэнэ, бизнесийн шинжээч Б.Оргилболд, Д.Тунсаг нар оролцож, инноваци, технологид суурилсан бизнесийн шийдлүүдтэй танилцан, цаашдын хамтын ажиллагааны боломжийн талаар санал солилцож байна.

Энэхүү оролцоо нь Нийслэлийн “Гарааны бизнесийг дэмжих сан”-гийн үйл ажиллагаатай уялдаж, инноваци, технологид суурилсан бизнесийг дэмжих, Монгол, БНСУ-ын гарааны бизнесийн орчны хамтын ажиллагааг бэхжүүлэх, Олон Улсын хөрөнгө оруулалтын боломжийг нэмэгдүүлэхэд чиглэж байна.