ХҮННҮ ХОТЫН ХӨГЖЛИЙН ТӨСЛҮҮДИЙН САНХҮҮЖИЛТИЙН ШИЙДЛИЙН ТАЛААР АХИСАН ТҮВШНИЙ УУЛЗАЛТ ХИЙЛЭЭ.
11 цаг 29 мин

ХҮННҮ ХОТЫН ХӨГЖЛИЙН ТӨСЛҮҮДИЙН САНХҮҮЖИЛТИЙН ШИЙДЛИЙН ТАЛААР АХИСАН ТҮВШНИЙ УУЛЗАЛТ ХИЙЛЭЭ.

 

🇲🇳✅ “Нийслэлийн өмчит Улаанбаатар хөрөнгө оруулалт, менежмент ҮЦК” ХХК-ийн удирдлагын баг ажлын хэсгийн хамт “Хүннү хотын хөгжлийн корпорац” ХХК-ийн Гүйцэтгэх захирал Б.Гүнболд болон холбогдох төлөөлөлтэй уулзалт хийлээ.

➡️ Уулзалтаар Хүннү хотын хөгжлийн өнөөгийн явц, хэрэгжиж буй ажлууд, цаашид хэрэгжүүлэх шаардлагатай төсөл, арга хэмжээний талаар санал солилцов.

✅ Талууд шинэ суурьшлын бүсийн хөгжлийг эрчимжүүлэхэд инженерийн шугам сүлжээ, эрчим хүч, ус хангамжийн дэд бүтцийг үе шаттайгаар шийдвэрлэх шаардлагатайг онцоллоо.

✅ Энэ хүрээнд бонд босгох боломж, хөрөнгө оруулалтын бүтэц, төслийн орлогын урсгал, эргэн төлөлтийн эх үүсвэр болон эрсдэлийн хуваарилалтын талаар мэргэжлийн түвшинд зөвлөлдлөө.

📊 Цаашид талууд хэрэгжүүлэх боломжтой төслүүдийг нарийвчлан тодорхойлж, санхүүжилтийн хувилбар болон хамтын ажиллагааны дараагийн шатны асуудлыг үргэлжлүүлэн хэлэлцэхээр боллоо.

🇲🇳✅ “Нийслэлийн өмчит Улаанбаатар хөрөнгө оруулалт, менежмент ҮЦК” ХХК нь Нийслэлийн томоохон төсөл, хөтөлбөрүүдэд хөрөнгө оруулалтын менежмент, төсвийн бус эх үүсвэр татах чиглэлээр мэргэжлийн оролцоог ханган ажиллаж байна.