UNCCD COP17 ЭХЛЭХЭД 41 ХОНОГ ҮЛДЛЭЭ
Эх байгалиа сэргээх, газар нутгаа хайрлан хамгаалах зорилгын дор 197 улс орон нэгдсэн Цөлжилттэй тэмцэх тухай НҮБ-ын Конвенцын талуудын 17 дугаар бага хурал /UNCCD COP17/ тун удахгүй Монгол Улсад зохион байгуулагдана.
Тус хурал нь цөлжилт, газрын доройтол, уур амьсгалын өөрчлөлттэй тэмцэх чиглэлээр Олон Улсын бодлого, хамтын ажиллагаа, тогтвортой санхүүжилтийн шийдлүүдийг хэлэлцэх чухал ач холбогдолтой арга хэмжээ юм.
Монгол Улс энэхүү томоохон хурлыг эх орондоо зохион байгуулснаар байгаль орчны сэргэлт, ногоон хөгжил, тогтвортой хөрөнгө оруулалтын чиглэлээр Олон Улсын хамтын ажиллагааг өргөжүүлэх боломж бүрдэж байна.
“Нийслэлийн өмчит Улаанбаатар хөрөнгө оруулалт, менежмент ҮЦК” ХХК нь COP17-ийн хүрээнд:
Сэргээгдэх эрчим хүч
Ногоон эдийн засгийн шилжилт
Бүс нутгийн хөгжлийн төслүүдийг дэмжих чиглэлээр ажлын хэсэг байгуулан ажиллаж байна.
Хурлын талаарх дэлгэрэнгүй мэдээллийг албан ёсны цахим хуудаснаас авна уу:
