"НИЙСЛЭЛИЙН ӨМЧИТ УЛААНБААТАР ХӨРӨНГӨ ОРУУЛАЛТ, МЕНЕЖМЕНТ ҮЦК" ХХК МҮХАҮТ-ЫН “БИЗНЕС ЭРХЛЭГЧ ЗАЛУУЧУУДЫН ЗӨВЛӨЛ” НАРЫН УУЛЗАЛТ БОЛЛОО

 

"Нийслэлийн өмчит Улаанбаатар хөрөнгө оруулалт, менежмент ҮЦК” ХХК болон Монголын Үндэсний Худалдаа Аж Үйлдвэрийн Танхимын (МҮХАҮТ) дэргэдэх

“Бизнес Эрхлэгч Залуучуудын Зөвлөл” нар хамтын ажиллагааны уулзалт зохион байгууллаа.

Уулзалтаар:

Нийслэлийн шинэ үеийн бизнес экосистем, хөрөнгө оруулалтын орчныг өргөжүүлэх, залуу бизнес эрхлэгчдийн инновац, ногоон төслүүдийг дэмжих, хот-бизнес–хөрөнгө оруулалтын уялдааг сайжруулах чиглэлд санал солилцлоо.

"Нийслэлийн өмчит “Улаанбаатар хөрөнгө оруулалт, менежмент ҮЦК” ХХК-ийн зүгээс стратеги төлөвлөлтийн хүрээнд хэрэгжиж буй төслүүдийн туршлагыг хуваалцсан бол, МҮХАҮТ-ын Залуучуудын зөвлөлөөс залуучуудын бизнесийн санаачилга, түншлэлийн сүлжээ бий болгох боломжийг онцоллоо.

Уулзалт нь Нийслэлийн инновац, хувийн хэвшлийн оролцоог нэмэгдүүлж, залуу бизнес эрхлэгчдийн дуу хоолойг бодлогын түвшинд хүргэх шинэ үеийн хамтын ажиллагааны загвар боллоо.