МОНГОЛБАНК БОДЛОГЫН ХҮҮГ 12.5 ХУВЬ БОЛГОН НЭМЭГДҮҮЛЛЭЭ.

 

Монголбанкны Мөнгөний бодлогын хороо 2026 оны наймдугаар сарын 12-ны өдрийн ээлжит бус хурлаар бодлогын хүүг 0.5 нэгж хувиар нэмэгдүүлж 12.5 хувь, банкнуудын төгрөгийн заавал байлгах нөөцийн хэмжээг мөн 0.5 нэгж хувиар өсгөж 14.5 хувь болголоо.

2026 оны долоодугаар сарын жилийн инфляц улсын хэмжээнд болон Улаанбаатар хотод 13.0 хувь болсон бөгөөд шатахуун, хүнс, төрийн зохицуулалттай бараа, бүтээгдэхүүний үнийн өсөлт голлон нөлөөлжээ.

Энэхүү шийдвэр нь инфляцын хүлээлтийг тогтворжуулах, үнийн өсөлтийн дам нөлөөг хязгаарлах, төгрөгийн өгөөжийг бодлогын зорилттой нийцүүлэхэд чиглэж байна.

“Нийслэлийн өмчит Улаанбаатар хөрөнгө оруулалт, менежмент ҮЦК” ХХК нь мөнгөний бодлого, инфляц болон санхүүгийн зах зээлийн өөрчлөлтийг нийслэлийн төсөл, хөтөлбөрүүдийн хөрөнгө оруулалт, санхүүжилтийн нөхцөлтэй уялдуулан судалж ажиллаж байна.