НИЙСЛЭЛИЙН ХӨГЖЛИЙН САН ЯМАР ҮҮРЭГТЭЙ ВЭ?

 

Хотын хөгжил нь зөвхөн тухайн жилийн төсвөөр хязгаарлагдахгүй. Зам, нийтийн тээвэр, орон сууц, эрчим хүч, усан хангамж, ногоон дэд бүтэц зэрэг томоохон төсөл, хөтөлбөрүүд урт хугацааны, тогтвортой санхүүжилт шаарддаг.

Нийслэлийн хөгжлийн сангийн үндсэн үүрэг нь хотын стратегийн төсөл, хөтөлбөрүүдийг хэрэгжүүлэх санхүүгийн эх үүсвэрийг бүрдүүлэх, хөрөнгө оруулалтыг урт хугацаанд удирдах нөхцөлийг бий болгоход оршино.

Тус сан нь:

Нийслэлийн стратегийн төсөл, хөтөлбөрүүдийг урт хугацаанд санхүүжүүлэх

Төсвийн эх үүсвэрээс хэт хамаарах байдлыг бууруулах

Дотоод болон Олон Улсын хөрөнгө оруулалтын эх үүсвэрийг ашиглах

Бонд болон бусад санхүүгийн хэрэгслийг ашиглах

Төр, хувийн хэвшлийн хамтын ажиллагааг дэмжих

Хотын хөрөнгө оруулалтын төслүүдийг үе шаттай хэрэгжүүлэх санхүүгийн нөхцөлийг бүрдүүлэх чиг үүрэгтэй.

UNCCD COP17 хурлын хүрээнд газрын доройтол, усны нөөц, ногоон дэд бүтэц, хотын тогтвортой хөгжил зэрэг асуудлыг бодит ажил, төсөл болгон хэрэгжүүлэхэд урт хугацааны санхүүжилт чухал байр суурь эзэлж байна.

Хотын хөгжлийн төслүүдийн санхүүжилтийн эх үүсвэрийг төрөлжүүлэх, хөрөнгө оруулалтыг тогтвортой үргэлжлүүлэхэд хөгжлийн сан чухал үүрэг гүйцэтгэнэ.

“Нийслэлийн өмчит Улаанбаатар хөрөнгө оруулалт, менежмент ҮЦК” ХХК нь Нийслэлийн хөгжлийн сангийн хөрөнгийн удирдлага, хөрөнгө оруулалтын төлөвлөлт, санхүүжилтийн эх үүсвэртэй холбоотой чиг үүргийг хэрэгжүүлэн ажиллаж байна.