ХӨРӨНГИЙН ЗАХ ЗЭЭЛИЙН ТОЙМ МЭДЭЭ

 

2026.08.20

Дотоод болон Олон Улсын санхүүгийн зах зээлийн гол үзүүлэлтүүд шинэчлэгдлээ.

Макро эдийн засаг

Монголбанкны бодлогын хүү 12.5 хувь байна. 2026 оны долоодугаар сарын жилийн инфляц улсын хэмжээнд болон Улаанбаатар хотод тус бүр 13.0 хувь, суурь инфляц 7.6 хувь байна. (МонголБанк)

Мөн Fitch Ratings 2026 оны наймдугаар сарын 19-нд Монгол Улсын зээлжих зэрэглэлийг “B+”, төлөвийг “Тогтвортой” хэвээр баталгаажууллаа. (Fitch Ratings)

Монголын хөрөнгийн бирж

Наймдугаар сарын 19-ний энгийн арилжаагаар 50 хувьцаат компани, 3 хөрөнгө оруулалтын сангийн нийт 613.45 сая төгрөгийн арилжаа хийгдсэн байна. Мөн дэлхийн 800 гаруй компанид хөрөнгө оруулах боломж бүхий FTI ETF Монголын хөрөнгийн бирж дээр арилжаалагдаж эхэллээ. (stock.bbe.mn)

Олон Улсын зах зээл

АНУ-ын хөрөнгийн зах зээл наймдугаар сарын 19-ний хаалтаар өсөлттэй байлаа. Dow Jones 53,463.05 (+0.22%), S&P 500 7,707.98 (+0.21%), Nasdaq 26,331.09 (+0.16%) үзүүлэлттэй хаагдав. АНУ-ын Сангийн яам урт хугацаат бондын буцаан худалдан авалтыг нэмэгдүүлэхээ мэдэгдсэнээр бондын өгөөж буурч, зах зээлийн эрсдэлийн хүлээлт тодорхой хэмжээнд суларсан байна. (Reuters)

Азийн зах зээлд наймдугаар сарын 20-ны өглөө Nikkei 225 65,780.63 (+0.70%), Hang Seng 25,495.07 (+0.09%) орчимд арилжаалагдаж байна. АНУ-ын 10 жилийн бондын өгөөж 4.64 хувь орчим байна. (Reuters)

Түүхий эдийн зах зээл

Алт 4,489 ам.доллар/унц орчимд арилжаалагдаж байна. Наймдугаар сарын 19-нд алт 3.6 хувиар өсөж, мөнгө 65.8 ам.доллар/унц орчимд хүрсэн нь ам.долларын ханш болон урт хугацаат бондын өгөөж буурсантай холбоотой байв. (Reuters)

“Нийслэлийн өмчит Улаанбаатар хөрөнгө оруулалт, менежмент ҮЦК” ХХК нь хөрөнгийн зах зээлийн тойм мэдээллийг илүү хүртээмжтэй, нэг дороос харах боломжтой болгох цахим хуудсыг хөгжүүлж байна.

Тус хуудсаас макро эдийн засгийн үзүүлэлт, Монголбанкны валютын ханш, Монголын хөрөнгийн биржийн арилжаа, түүхий эд, Олон Улсын индексүүд болон өмнөх үеийн зах зээлийн мэдээллийг дэлгэрэнгүй харах боломжтой.