НИЙСЛЭЛИЙН ӨМЧИТ УЛААНБААТАР ХӨРӨНГӨ ОРУУЛАЛТ, МЕНЕЖМЕНТ ҮЦК” ХХК ХАН-УУЛ ДҮҮРГИЙН НЭГДСЭН ЭМНЭЛЭГТЭЙ ХАМТРАН АЖИЛЛАНА.

"Нийслэлийн өмчит Улаанбаатар хөрөнгө оруулалт, менежмент ҮЦК” ХХК өнгөрсөн амралтын өдрүүдээр Хан-Уул Дүүргийн Нэгдсэн Эмнэлгийн эмч ажилтнуудад хөнгөлөлттэй нөхцөл бүхий орлогод нийцсэн орон сууцжуулах төслийг танилцууллаа.

Уг төслийг төр, хувийн хэвшлийн түншлэлийн хүрээнд хэрэгжүүлэх боломж болон компанийн итгэмжлэн удирддаг сангууд, үйл ажиллагаа, хэрэгжүүлсэн төсөл хөтөлбөрүүдийн талаар чөлөөт ярилцлага хийж сонирхсон асуултуудад хариуллаа.

Тус арга хэмжээнд Хөрөнгө оруулалт, төслийн удирдлагын газрын дарга Х.Анхсүрэн, Маркетинг, дотоод зах зээлийн харилцааны менежер З.Номин-Эрдэнэ, Бизнесийн шинжээч Д.Тунсаг, Ч.Анужин нар болон Мэдээлэл, технологийн аюулгүй байдал хариуцсан менежер Н.Сэр-Од, Сангийн менежер М.Мөнхжаргал нар компаниа төлөөлөн оролцлоо.

"Нийслэлийн өмчит Улаанбаатар хөрөнгө оруулалт, менежмент ҮЦК” ХХК төр, хувийн хэвшлийн түншлэлийг бүхий л талаар дэмжиж ажилладаг ба төрийн албан хаагчдыг орон сууцжуулах төслүүдэд хөрөнгө оруулалт, санхүүжилтийн схем, эргэн төлөгдөх боломжит нөхцлүүдийг судлан ажиллаж байна.