ЭКО ХОРООЛОЛ БА ОРЛОГОД НИЙЦСЭН ОРОН СУУЦНЫ САН — ТӨЛӨӨЛӨН УДИРДАХ ЗӨВЛӨЛИЙН ЭЭЛЖИТ ХУРАЛДААН БОЛЛОО.

 

”Нийслэлийн өмчит Улаанбаатар хөрөнгө оруулалт, менежмент ҮЦК” ХХК-ийн нэгж эрх эзэмшдэг “Эко хороолол ба орлогод нийцсэн орон сууцны сан хувийн хос” ХХК-ийн Төлөөлөн удирдах зөвлөлийн ээлжит хурал 100%-ийн ирцтэйгээр амжилттай болж өндөрлөлөө.

Хуралд ТУЗ-ийн дарга Г.Гангамөрөн, гишүүд Л.Тэмүүжин, Х.Анхсүрэн, М.Мөнхжаргал, С.Даваасүрэн нар оролцлоо.

Хурлаар дараах гол асуудлуудыг хэлэлцэн шийдвэрлэлээ:

Төр, хувийн хэвшлийн түншлэлийн тухай хуулийн хүрээнд ҮХХ хөгжүүлэгч сонгон шалгаруулах баримт бичиг

Баянхошуу, Шархад дахь төсөл хэрэгжүүлэх төлөвлөгөө

“Бүрэлдэхүүн 2” ажлын төлөвлөгөө

Сангийн санхүүгийн модель, төсөв батлах

Сонгон шалгаруулалт нь ил тод, шударга, үнэ цэнэтэй, өрсөлдөөнт зарчмаар явагдаж, хамгийн өндөр үнэлгээтэй ҮХХ хөгжүүлэгчдийг санхүүжүүлэх зорилготой юм.

Цаашид сангийн үйл ажиллагааг эрчимжүүлж, гүйцэтгэлийг цаг тухайд нь тайлагнах, мэдээллийн ил тод байдлыг ханган ажиллахыг ТУЗ-ийн дарга үүрэг болголоо.