“НИЙСЛЭЛИЙН ӨМЧИТ УЛААНБААТАР ХӨРӨНГӨ ОРУУЛАЛТ, МЕНЕЖМЕНТ ҮЦК” ХХК"ЭРДЭНЭС БАЯНБОГД” ОНӨХХК

"Эрдэнэс Баянбогд” ОНӨХХК нь Монгол Улсын Засгийн газрын тогтоолоор Эрдэнэс Монгол ХХК (34%) болон орон нутгийн өмчит Улаанбаатар хотын хөгжлийн корпораци ХК (66%)-ийн оролцоотойгоор байгуулагдсан бөгөөд Баянбогд нүүрсний ордыг түшиглэн жилд 10 сая тонн эрчим хүчний нүүрс олборлох, нүүрс, эрчим хүчний цогц хөтөлбөр хэрэгжүүлэхээр төлөвлөж байгаа юм.

Энэ хүрээнд “Нийслэлийн өмчит Улаанбаатар хөрөнгө оруулалт, менежмент ҮЦК” ХХК нь тус компанийн төлөөлөлтэй Дорноговь аймгийн, Улаанбадрах сумын нутагт хэрэгжих 300 МВт хүчин чадалтай цахилгаан станц, 220 кВ-ын, 120 км ЦДАШ барих төслийн санхүү, хөрөнгө оруулалтын менежментийг хамтран хэрэгжүүлэх асуудлаар уулзалт хийлээ.

Талууд төслийн санхүүжилтийн бүтэц, хөрөнгө оруулалтын загвар, хэрэгжилтийн үе шат, эрсдэлийн удирдлагын талаар санал солилцож, хамтын ажиллагааг бодит үр дүнд хүргэх чиглэлд нэгдсэн ойлголтод хүрэв.

Тус төсөл нь бүс нутгийн эрчим хүчний найдвартай байдлыг нэмэгдүүлж, аж үйлдвэрийн хөгжил, орон нутгийн эдийн засгийн өсөлтөд чухал хувь нэмэр оруулах ач холбогдолтой юм.

https://www.facebook.com/ubim.mn