“ХОГ ШАТААЖ, ЭРЧИМ ХҮЧ ҮЙЛДВЭРЛЭХ” ТӨСЛИЙН ГАЗАР ЧӨЛӨӨЛӨЛТ 71%-ТАЙ ҮРГЭЛЖИЛЖ БАЙНА

 

Улаанбаатар хотын хог хаягдлын менежментийг шинэ шатанд гаргах, байгаль орчинд ээлтэй дэд бүтцийг бүрдүүлэх зорилготой “Хог шатааж, эрчим хүч үйлдвэрлэх” төсөл төлөвлөгөөний дагуу хэрэгжиж байна.

Төслийг 2025–2028 онд төр, хувийн хэвшлийн түншлэл хэлбэрээр Хан-Уул дүүргийн 12 дугаар хороо, Морингийн даваанд нийт 10 га талбайд хэрэгжүүлэх бөгөөд өнөөдрийн байдлаар газар чөлөөлөлтийн ажил 71%-тай байна.

Төсөл хэрэгжсэнээр

Өдөрт 1500 тонн хог хаягдал боловсруулах

35 МВт цахилгаан эрчим хүч үйлдвэрлэх

Ойролцоогоор 2333 өрхийг цахилгаанаар хангах боломж бүрдэх юм.

Мөн хог хаягдлыг эдийн засгийн эргэлтэд оруулж, хөрс, агаарын бохирдол, хүлэмжийн хийн ялгарлыг бодитоор бууруулах төдийгүй 2333 яндан, нүхэн жорлонг устгасантай тэнцэхүйц эерэг нөлөө үзүүлэх юм.

"Нийслэлийн өмчит Улаанбаатар хөрөнгө оруулалт, менежмент ҮЦК” ХХК нь "Нийслэлийн Ногоон сан"-г итгэмжлэн удирддаг, БОНЗ хэрэгжүүлэгч байгууллагын хувьд Нийслэлийн ногоон хөгжил, дэд бүтцийн төслүүдийг хөрөнгө оруулалттай холбож, бодит бүтээн байгуулалт болгох хөрөнгө оруулалтын менежментийг шат дараатайгаар хэрэгжүүлэн ажиллаж байна.