УЛААНБААТАР, ХӨХ ХОТЫН ХАМТЫН АЖИЛЛАГАА ШИНЭ ШАТАНД ГАРНА.
Улаанбаатар хот болон БНХАУ-ын ӨМӨЗО-ны Хөх хот ах дүү хотын найрамдалт харилцаа тогтоосны 35 жилийн ойд зориулсан арга хэмжээний нээлт, эдийн засгийн танилцуулга уулзалт боллоо. 
Уулзалтад Нийслэлийн Засаг дарга бөгөөд Улаанбаатар хотын Захирагч Б.Пүрэвдагва оролцлоо.
Уулзалтын үеэр хоёр хотын үндэсний үйлдвэрлэгч, бизнес эрхлэгч, аж ахуйн нэгжүүд хамтын ажиллагааны санамж бичигт гарын үсэг зурж, нийт 20 орчим тэрбум төгрөгийн үнийн дүн бүхий хамтын ажиллагааны гэрээ байгууллаа.
Хоёр хотын бизнесийн түншлэл өргөжсөнөөр худалдаа, хөрөнгө оруулалтын шинэ боломж нээгдэж, хамтарсан үйл ажиллагааг санхүүжүүлэх эх үүсвэрийн боломж нэмэгдэх юм.
“Нийслэлийн өмчит Улаанбаатар хөрөнгө оруулалт, менежмент ҮЦК” ХХК нь Нийслэлийн хөгжлийн төсөл, хөтөлбөрүүдэд хөрөнгө оруулалт татах, санхүүжилтийн шийдэл боловсруулах, шаардлагатай эх үүсвэрийг бүрдүүлэх чиглэлээр ажиллаж байна.
