ХӨРӨНГИЙН ЗАХ ЗЭЭЛИЙН ТОЙМ МЭДЭЭ

 

Дотоод болон Олон Улсын санхүүгийн зах зээлийн гол үзүүлэлтүүд шинэчлэгдлээ.

Макро эдийн засаг

Монголбанкны бодлогын хүү 12.5 хувь байна. 2026 оны долоодугаар сарын жилийн инфляц улсын хэмжээнд болон Улаанбаатар хотод тус бүр 13.0 хувь, суурь инфляц 6.9 хувь хүрсэн. Инфляц зорилтот түвшнээс өндөр хэвээр байгаа тул мөнгөний бодлогын төлөв харьцангуй чанга хадгалагдаж байна. (Монгол Улсын Төв Банк)

Монголын хөрөнгийн бирж

Наймдугаар сарын 26-ны арилжаагаар Монголын цахилгаан холбоо ХК /MCH/ 14.88 хувиар өсөж, өдрийн хамгийн өндөр өсөлттэй хувьцааны нэг болсон бол ХААН Банк /KHAN/ +5.37%, ХасБанк /XAC/ +3.97%, АПУ ХК /APU/ +1.78%, Монголын хөрөнгийн бирж ХК /MSE/ +1.13%-ийн өсөлттэй хаагдлаа. Харин Хөвсгөл Алтан Дуулга ХК /ADU/ 3.17 хувиар буурсан байна. (miniapp.bdsec.mn)

Олон Улсын зах зээл

АНУ-ын хөрөнгийн зах зээл наймдугаар сарын 26-ны хаалтаар бага хэмжээний уналттай байлаа. Dow Jones 53,463.88 (-0.21%), S&P 500 7,675.70 (-0.02%), Nasdaq 26,130.20 (-0.08%) үзүүлэлттэй хаагдав. АНУ-ын долоодугаар сарын PCE инфляц жилийн 3.7 хувь гарч, хүлээлтээс өндөр байсан нь Холбооны нөөцийн сан бодлогын хүүгээ өндөр түвшинд хадгалах эсвэл нэмэгдүүлэх магадлалыг зах зээл дахин үнэлэхэд нөлөөлөв. АНУ-ын 10 жилийн бондын өгөөж 4.647 хувь орчимд хүрсэн байна. (Reuters)

Түүхий эдийн зах зээл

Наймдугаар сарын 26-ны арилжаагаар спот алт 4,595.93 ам.доллар/унц болж 1.3 хувиар буурлаа. АНУ-ын инфляцын мэдээллийн дараа ам.доллар чангарч, бодлогын хүүгийн хүлээлт өссөн нь үнэт металлын үнэд дарамт үзүүлэв. (Reuters)

“Нийслэлийн өмчит Улаанбаатар хөрөнгө оруулалт, менежмент ҮЦК” ХХК нь макро эдийн засаг, валютын ханш, Монголын хөрөнгийн биржийн арилжаа, түүхий эд болон Олон Улсын индексүүдийг нэг дороос харьцуулан харах боломжтой зах зээлийн мэдээллийн цахим хуудсыг хөгжүүлж байна.

Тус цахим хуудаснаас тухайн өдрийн гол үзүүлэлтүүдээс гадна өмнөх үеийн зах зээлийн мэдээллийг дэлгэрэнгүй үзэх боломжтой.

Дэлгэрэнгүй: https://ubim3medee.netlify.app/