ИЛ ТОД БАЙДАЛ ХӨРӨНГӨ ОРУУЛАГЧДЫН ИТГЭЛД ХЭРХЭН НӨЛӨӨЛДӨГ ВЭ?

 

Хөрөнгө оруулагч шийдвэр гаргахдаа боломжит өгөөжөөс гадна эрсдэл, санхүүгийн нөхцөл, гүйцэтгэл, удирдлага, ирээдүйн төлөвийг хамтад нь үнэлдэг. Үүний үндэс нь үнэн зөв, хүртээмжтэй, цаг үеэ олсон мэдээлэл юм.

Ил тод байдал гэдэг нь бүх мэдээллийг нийтэд дэлгэх бус, хөрөнгө оруулалтын шийдвэрт нөлөөлөх чухал мэдээллийг үнэн зөв, ойлгомжтой, харьцуулах боломжтой байдлаар цаг тухайд нь хүргэхийг хэлнэ.

“G20/OECD”-ийн Компанийн засаглалын зарчимд санхүүгийн байдал, гүйцэтгэл, эзэмшил, засаглал болон тогтвортой хөгжлийн талаарх материаллаг мэдээллийг нээлттэй байлгахыг сайн засаглалын үндсэн шаардлагын нэг гэж үздэг.

Ил тод мэдээлэл нь хөрөнгө оруулагчдад:

* эрсдэл, өгөөжийг бодитоор үнэлэх,

* гүйцэтгэлийг харьцуулах,

* удирдлагын шийдвэр, хариуцлагыг үнэлэх,

* тодорхойгүй байдлыг бууруулах боломж олгодог.

Харин мэдээлэл дутуу, хоцрогдсон байх тусам хөрөнгө оруулагчийн тодорхойгүй байдал нэмэгдэж, капиталын өртөг өсөх эрсдэлтэй.

“Нийслэлийн өмчит Улаанбаатар хөрөнгө оруулалт, менежмент ҮЦК” ХХК нь Нийслэлийн хөрөнгө оруулалт, сангийн итгэмжлэн удирдлагын хүрээнд санхүүгийн болон үйл ажиллагааны мэдээлэл, засаглал, гүйцэтгэл, эрсдэлийн хяналтыг ил тод, тогтмол тайлагнаж, хөрөнгө оруулагч, санхүүжүүлэгч болон түнш талуудтай урт хугацааны итгэлцлийг бэхжүүлэх чиглэлээр ажиллаж байна.

Ил тод байдал нь хөрөнгө оруулагчийн эрсдэлийг ойлгох боломжийг нэмэгдүүлж, урт хугацааны итгэлцэл, санхүүжилтийн суурийг бүрдүүлдэг.

“G20/OECD”-ийн Компанийн засаглалын зарчим — байгууллагыг ил тод, хариуцлагатай, үр ашигтай удирдах Олон Улсын нийтлэг жишиг.