САНХҮҮГИЙН САЛБАРЫН 2025 ОНЫ ЖИЛИЙН ЭЦСИЙН ТОЙМ ГАРЛАА.

 

2025 оны байдлаар Санхүүгийн зохицуулах хорооны зохицуулалтад хамаарах санхүүгийн салбар ДНБ-ий 26.8 хувийг бүрдүүлж, эдийн засаг дахь жингээ нэмэгдүүлсэн байна.

Хөрөнгийн зах зээлийн үзүүлэлтүүд:

Зах зээлийн үнэлгээ – 13,879.4 тэрбум төгрөг (+6.6%)

Хоёрдогч зах зээлийн хөрвөх чадвар – 2.1%

ТОП-20 индекс – 6.2%-ийн өсөлт

Нийт 634 зохицуулалттай этгээд үйл ажиллагаа явуулж байна.

Зах зээлийн хэмжээ өссөн хэдий ч төвлөрөл өндөр, хөрвөх чадварын түвшин харьцангуй бага хэвээр байна. Энэ нь урт хугацааны хөрөнгө оруулалтыг нэмэгдүүлэх, өрийн хэрэгслийн зах зээлийг гүнзгийрүүлэх шаардлагыг илтгэж байна.

“Нийслэлийн өмчит Улаанбаатар хөрөнгө оруулалт, менежмент ҮЦК” ХХК нь Нийслэлийн дэд бүтцийн болон мега төслүүдийг зах зээлийн орчинд тулгуурласан санхүүжилтийн хэлбэрт үе шаттайгаар шилжүүлэх, төслийн бонд, тусгай зориулалтын компани (SPV)-ийн бүтэц боловсруулах, дотоодын хөрөнгийн зах зээлээс эх үүсвэр татах боломжийг бодит түвшинд судалж, хэрэгжилтийн шатанд шилжүүлэх чиглэлд ажиллаж байна.

Хөрөнгийн зах зээлийн өсөлт нь Нийслэлийн томоохон төслүүдийг ил тод, хариуцлагатай, зах зээлийн сахилга баттай санхүүжилтийн загвараар хэрэгжүүлэх стратегийн боломжийг бүрдүүлж байна.

/Эх сурвалж: Санхүүгийн зохицуулах хороо/