“ДЦС-5” ТӨСЛИЙН БЭЛТГЭЛ АЖИЛ ЭХЭЛЛЭЭ.

 

Нийслэлийн Баянгол дүүрэгт хэрэгжих “Дулааны тавдугаар цахилгаан станц (ДЦС-5)” төслийн талбайн бэлтгэл ажлын хүрээнд 1961 оноос хуримтлагдсан үнсийг 2026.04.22-ноос зөөвөрлөж эхэллээ. Нийт 1 сая м³ үнсийг 2 сарын хугацаанд зайлуулж, суурийн ажлыг эхлүүлэх нөхцөлийг бүрдүүлнэ.

Төслийн хүчин чадал:

300 МВт цахилгаан

340 Гкал дулаан

Ашиглалтад орсноор 100 мянган айл цахилгаан, 40–50 мянган айл дулаанаар хангагдах боломж бүрдэнэ.

Санхүүжилт:

Төр, хувийн хэвшлийн түншлэл

20% нийслэл / 80% хувийн хэвшил

Нийслэлийн бонд – 200 тэрбум төгрөг /3 жил, 14%/

Төслийг 2028 онд ашиглалтад оруулахаар төлөвлөж байна.

“Нийслэлийн өмчит Улаанбаатар хөрөнгө оруулалт, менежмент ҮЦК” ХХК нь ДЦС-5 төслийн санхүүжилтийн бүтэц, хэрэгжилтийн бэлтгэл ажлыг зохион байгуулж, “Нийслэлийн хөгжлийн сан Хувийн ХОС ТЗК” ХХК-иар дамжуулан төслийн компанийн хувьцаанд хөрөнгө оруулах замаар санхүүжилтийн оролцоог ханган ажиллаж байна.