ХӨРӨНГИЙН ЗАХ ЗЭЭЛИЙН ӨДРИЙН ТОЙМ | 2026.04.23

 

Олон Улсын зах зээлд холимог хөдөлгөөн ажиглагдаж байна. АНУ-ын бодлогын хүүгийн хүлээлт өндөр хэвээр байгаа нь хөрөнгө оруулагчдын эрсдэлийн сонирхлыг хязгаарлаж, зах зээлийн болгоомжлол хэвээр байна.

Брент төрлийн газрын тосны үнэ $100+ түвшинд хадгалагдаж, геополитикийн нөхцөл байдал зах зээлийн хэлбэлзэлд нөлөөлсөөр байна. Харин ам.долларын индекс тогтвортой байгаа нь хөгжиж буй зах зээлүүдэд дарамт үүсгэж байна.

АНУ-ын хөрөнгийн зах зээлд технологийн салбарын өсөлт үргэлжилж байгаа ч хөрөнгө оруулагчид хамгаалалтын хөрөнгөд анхаарал хандуулсан хэвээр байна.

Дотоодын зах зээлийн хувьд:

ТОП-20 индекс +0.18% өсөж 51,120.85 нэгжид хүрлээ

MSE-A индекс +0.45% өссөн бол

MSE-B индекс -0.16% буурлаа.

Нийт арилжааны дүн ₮1.86 тэрбумд хүрч, арилжаанд хувьцаа болон компанийн бондын гүйлгээ зонхиллоо.

Түүхий эдийн зах зээлд газрын тос өсөлттэй, алт, мөнгө, зэс бууралттай байна.

Макро орчны энэхүү нөхцөлд хөрөнгийн зах зээлийн хөдөлгөөнийг анхааралтай ажиглаж, зах зээлийн боломжид суурилсан санхүүжилтийн шийдлийг тодорхойлох чиглэлээр “Нийслэлийн өмчит Улаанбаатар хөрөнгө оруулалт, менежмент ҮЦК” ХХК ажиллаж байна.