COP17 БЭЛТГЭЛ АЖИЛ 90 ХУВИЙН ГҮЙЦЭТГЭЛД ХҮРЧ, НОГООН ХӨРӨНГӨ ОРУУЛАЛТ ТАТАХ БОЛОМЖ БҮРДЭЖ БАЙНА.
17 цаг 50 мин

COP17 БЭЛТГЭЛ АЖИЛ 90 ХУВИЙН ГҮЙЦЭТГЭЛД ХҮРЧ, НОГООН ХӨРӨНГӨ ОРУУЛАЛТ ТАТАХ БОЛОМЖ БҮРДЭЖ БАЙНА.

 

🇲🇳 НҮБ-ын Цөлжилттэй тэмцэх тухай конвенцын Талуудын XVII бага хурал (UNCCD COP17)-ыг 2026 оны наймдугаар сарын 17–28-ны өдрүүдэд Улаанбаатар хотноо зохион байгуулах бэлтгэл ажил 90 хувийн гүйцэтгэлтэй үргэлжилж байна.

✅Нийслэлийн зүгээс хурлыг зохион байгуулахтай холбоотой түр байгууламж, инженерийн болон дэд бүтцийн бэлтгэл ажлыг хариуцан ажиллаж байгаа бөгөөд наймдугаар сарын 5–10-ны өдрүүдэд төслийн талбайг НҮБ-ын талд албан ёсоор хүлээлгэн өгөхөөр төлөвлөжээ.

🌍 "COP17"-ийн хүрээнд наймдугаар сарын 20–22-ны өдрүүдэд “Хотуудын дарга нарын чуулга уулзалт” зохион байгуулагдах бөгөөд дэлхийн томоохон болон хөгжиж буй хотуудын удирдлага, төлөөлөгчид Улаанбаатар хотноо чуулах юм.

🇲🇳Монгол Улс "COP17"-ийн хүрээнд “Газар–Ус–Мод” санаачилгыг Олон Улсын түвшинд танилцуулж, байгальд суурилсан хөгжлийн төслүүдэд 1–1.5 тэрбум ам.долларын хөрөнгө оруулалт татах зорилтыг дэвшүүлэн ажиллаж байна.

🇲🇳✅ “Нийслэлийн өмчит Улаанбаатар хөрөнгө оруулалт, менежмент ҮЦК” ХХК нь Нийслэлийн тогтвортой хөгжил, ногоон санхүүжилт, Олон Улсын хөрөнгө оруулалтын хамтын ажиллагааг дэмжих чиглэлээр ажиллаж, "COP17"-оос бий болох хөрөнгө оруулалтын боломжуудыг бодит төсөл, санхүүгийн шийдэлтэй уялдуулахад чиглэсэн үйл ажиллагаанд оролцон ажиллаж байна.