НАЙМДУГААР САРЫН 15-НААС ЗАМЫН ХӨДӨЛГӨӨНИЙ ТЭГШ, СОНДГОЙ ДУГААРЫН ЗОХИЦУУЛАЛТ ЭХЭЛНЭ.

 

НҮБ-ын Цөлжилттэй тэмцэх тухай конвенцын Талуудын XVII бага хурал (UNCCD COP17) болон хичээлийн шинэ жилийн бэлтгэл ажлыг хэвийн зохион байгуулах зорилгоор Улаанбаатар хотод 2026 оны наймдугаар сарын 15-наас есдүгээр сарын 12-ны өдрийг дуустал автомашины улсын дугаарыг тэгш, сондгойгоор ангилан хөдөлгөөнд оролцуулах түр зохицуулалтыг хэрэгжүүлэхээр боллоо.

Зохицуулалт өдөр бүр 07:00–21:00 цагийн хооронд мөрдөгдөх бөгөөд өмнөх бүсчлэлийн зохицуулалтыг хэрэглэхгүйгээр нийслэлийн төвийн зургаан дүүргийн хэмжээнд үйлчилнэ.

Сондгой дугаартай автомашин:

2026 оны 8 дугаар сарын 15, 17, 19, 21, 23, 25, 27, 29, 31, 9 дүгээр сарын 3, 5, 7, 9, 11-ний өдрүүдэд хөдөлгөөнд оролцоно.

Тэгш дугаартай автомашин:

2026 оны 8 дугаар сарын 16, 18, 20, 22, 24, 26, 28, 30, 9 дүгээр сарын 2, 4, 6, 8, 10, 12-ны өдрүүдэд хөдөлгөөнд оролцоно.

Энэхүү түр зохицуулалт нь Олон Улсын арга хэмжээ болон хичээлийн шинэ жилийн үеийн хөдөлгөөний ачааллыг бууруулж, Нийслэлийн замын хөдөлгөөний нэвтрүүлэх чадвар, зохион байгуулалтыг сайжруулахад чиглэж байна.

“Нийслэлийн өмчит Улаанбаатар хөрөнгө оруулалт, менежмент ҮЦК” ХХК нь Улаанбаатар хотын тогтвортой хөгжил, Олон Улсын арга хэмжээний бэлтгэл, хотын дэд бүтэц болон хөрөнгө оруулалтын төслүүдийн хэрэгжилтийг дэмжих чиглэлээр ажиллаж байна.